Нийгмийн эгэх хариуцлага гэж юу вэ?

2016-06-28

Иргэдийн сайн сайхан амьдралд нөлөөлдөг засаглал, үйлчилгээ хүргэхтэй холбоотой асуудал, бэрхшээлийг тодорхойлохоос эхлэн учир шалтгааныг нь ойлгох, зохих шийдлийг боловсруулахад иргэдийн оролцоог хангах үйл явцыг нийгмийн эгэх хариуцлага гэнэ.

Аccountability хэмээх англи үг монголоор ЭГЭХ ХАРИУЦЛАГА гэсэн үг юм. Эгэх гэдэг монгол үг нь хойш урагш ирэх, буцах тасралтгүй үйл явцыг илэрхийлдэг. Энэ утгаар нэг талаас иргэн байнга төртэй, нөгөө талаас төр нь байнга иргэнтэйгээ ярилцаж, хэлэлцэж, зөвлөлдөж, зөвшилцдөг байх тасралтгүй харилцах үйл явцыг илтгэнэ.

“Боловсролын салбар дахь ил тод байдал, эгэх хариуцлага” төсөл боловсролын салбарт энэ харилцааг сайжруулан бэхжүүлэхийг эрмэлзэж байна. Үүний тулд “Оролцогч талууд буюу төрийн албан хаагч, сургуулийн удирдах ба бусад ажилтан, багш, эцэг эх, сурагчид боловсролын засаглалд мэдлэгтэйгээр, бүтээлчээр хамтран оролцсон тохиолдолд боловсролын салбарын эгэх хариуцлага сайжирч, боловсролын үйлчилгээний чанар дээшилнэ” хэмээн төслийн баг үзэж байна.



Бүтээлч хамтын оролцоо нь нийгмийн эгэх хариуцлагын үйлдлээр дамжуулан төрийн зохих байгууллагуудтай солилцсон, хэлэлцсэн, мөн зохицуулсан ажил хэргийн үйл явц, эргэх холбоог хангах тухай билээ. Энэ бол өөрчлөлтийг эрчимжүүлэхийн тулд төрийн үйлчилгээ үзүүлэгчдийг татан оролцуулж нөлөөлөл хийх хандлага юм.

Суралцах орчныг сайжруулахад иргэдийг оролцуулж буй сайн туршлагыг бодлогын зөвлөгөөн онцлов

“Боловсролын салбар дахь ил тод байдал, эгэх хариуцлага” төслийн баг БСШУСЯ-тай хамтран “Боловсролын засаглал дахь нийгмийн эгэх хариуцлага” бодлогын зөвлөгөөнийг 2017 оны 12 дугаар сарын 12, 13-ны өдрүүдэд Улаанбаатар хотноо хоёр дахь жилдээ амжилттай зохион байгууллаа.

“Харилцан суралцъя” баруун бүсийн чуулган Баян-Өлгий аймагт болно

“Боловсролын салбар дахь ил тод байдал, эгэх хариуцлага” төслийн “Харилцан суралцъя” баруун бүсийн анхдугаар чуулганыг 2017 оны 11 дүгээр сарын 13, 14-нд Баян-Өлгий аймагт зохион байгуулна.