Сурагчид өөрсдийн амьдарч буй сурч буй орчноо өөрчлөгдөхийг хараад урамшин илүү ихийг хийхийг хүссэн

2017-02-13
Хэвлэх

Сайн сургуулиас сайхан амьдрал эхэлнэ уриатай төслийн хэрэгжүүлэгчийн багт орох санал тавихад нь маш их баярласан. Яагаад гэвэл дотуур байрын багш тэр бүр юманд хамрагдаад байдаггүй. Багт ороод сургуулийн орчинд нөхцөл байдлын үнэлгээ хийхэд өөрийн бодож санадаг бүх дутагдалтай зүйлээ хэлсэн. Тэдгээр асуудлыг ч хамтарч шийдсэн.

Дотуур байрын сурагчдаас байрын хурлын үеэр нөхцөл байдлыг сайжруулах талаар асуулга явуулж тэндээс гарсан асуудлыг цаг тухай бүрд нь засаж янзалсан. Сурагчид өөрсдийн амьдарч буй сурч буй орчноо өөрчлөгдөхийг хараад урамшин илүү ихийг хийхийг хүссэн.

Бидний хийсэн сайн ажил. Сургуулийн орчинд засаж сэлбэх шаардлагатай зүйлсийг олж харан засаж сэлбэсэн.
-    Дотуур байрын 00 цоожгүй, бариулгүй, мод нь маш их зай завсартай байсныг цоож хийн бариул хадаж эр, эм гэсэн тэмдэглэгээ хийж дотор гадна талд нь хулдаас хадан янзалсан.
-    Байрны цахилгааны утас бүгд ил байсныг ундааны сав ашиглан таг хийсэн..
-    Сурагчдын хичээл хийдэг өрөөг зураг зурж  тохижуулсан
-    Хичээл давтлагын өрөөнд ширээ сандал дутмаг байсныг ДЗОУ байгууллагад төсөл бичин 20 ширээ 40 сандалтай болсон
-    Дотуур байрын тасаг бүрийг хаягтай болгосон
-    Сурагчидтай хамтран дотуур байрандаа номын тавиур хийж номын сантай болсон

Архангай аймгийн Батцэнгэл сумын ЕБС-ийн дотуур байрны багш Э.Анхдолгор


Боловсролд эцэг эхийн оролцоо
Эцэг эх, багш нар бусад оролцогч талуудтай бүтээлчээр хамтран ажилласнаар хүүхдийхээ хүмүүжил төлөвшил, сурлагын чанарт нөлөөлж болно гэдгийг харуулахыг зорин ажиллаж байна.

"Боловсролын чанарын шинэчлэл" төсөл: СЭЭБХ-ны тэтгэлэгт хөтөлбөр

БСШУСЯ-наас хэрэгжүүлж буй "Боловсролын чанарын шинэчлэл" төслөөс Сургуулийн эцэг эх, багшийн холбоо (СЭЭБХ)-дын   боловсролын салбарын шинэчлэлд иргэдийн оролцоог нэмэгдүүлэх, улмаар боловсролын чанарыг сайжруулахад чиглэсэн бичил төслүүдийг дэмжин ажиллахаар боллоо. Үүнд дараах 28 СЭЭБХ-ны төслүүд хамрагдаж байна. Төсөл тус бүрийн  нэр дээр дарж бүрэн эхээр нь танилцах боломжтой.