Хамтдаа нэгэн баг болон ажиллаж чадахаар боллоо

2017-02-13

Би СЭЭБХ-д элсэн орсон эцэг эхийн төлөөлөл байна. Энэ холбоонд элсэн орсноор маш их зүйлийг мэдэж авлаа. Хүүхдийнхээ болон бусад хүүхдийн төлөө тэдний сурч боловсрох орчин нөхцөл, сайн сайхан, эрүүл аюулгүй орчин, сэтгэл зүйн дарамт шахалтгүй халуун дулаан уур амьсгалд хүүхэд илүү их сурч боловсорч хүмүүждэг гэдгийг мэдэхээс гадна эцэг эх, багш ажилтан, сурагч бүр хамтран ажиллаж байнга суралцан хөгжиж байх юм гэдгийг ойлгосон. Мөн энэ сургалтаас хамтран багаар ажиллах, шийдвэр гаргах, мэдлэг оюунаа тэлэх зэрэг олон зүйлийг мэдэж авлаа.

Бид хүүхдийнхээ юу хүсч мөрөөдөж байгааг, сурч боловсроход юу болохгүй байгааг олж мэдэж, түүнийг засч залруулахын төлөө хамтдаа нэгэн баг болон ажиллаж чадахаар боллоо.

Архангай аймгийн Өлзийт сумын эцэг эхийн төлөөлөл Баясгалан

Суралцах орчныг сайжруулахад иргэдийг оролцуулж буй сайн туршлагыг бодлогын зөвлөгөөн онцлов

“Боловсролын салбар дахь ил тод байдал, эгэх хариуцлага” төслийн баг БСШУСЯ-тай хамтран “Боловсролын засаглал дахь нийгмийн эгэх хариуцлага” бодлогын зөвлөгөөнийг 2017 оны 12 дугаар сарын 12, 13-ны өдрүүдэд Улаанбаатар хотноо хоёр дахь жилдээ амжилттай зохион байгууллаа.

“Харилцан суралцъя” баруун бүсийн чуулган Баян-Өлгий аймагт болно

“Боловсролын салбар дахь ил тод байдал, эгэх хариуцлага” төслийн “Харилцан суралцъя” баруун бүсийн анхдугаар чуулганыг 2017 оны 11 дүгээр сарын 13, 14-нд Баян-Өлгий аймагт зохион байгуулна.