“Хүний эрхийн тухай ярилцъя” өглөөний уулзалт “ЕБС-ийн засаглалд эцэг эхийн оролцоо”-г онцоллоо

2017-06-20

“Бүх нийт боловсролын төлөө!” Иргэний нийгмийн үндэсний эвслийн зохицуулагч Д.Тунгалаг 2017 оны 6 дугаар сарын 15-ны өдрийн 08:00 – 10:00 цагт ННФ-ын хурлын танхимд болсон "Хүний эрхийн тухай ярилцъя” Өглөөний уулзалтанд оролцож  “Ерөнхий боловсролын сургуулийн засаглалд эцэг эхийн оролцоо” сэдвээр мэдээлэл хийлээ.

Өглөөний уулзалтыг Хүний эрхийн Үндэсний Комисс, Нээлттэй Нийгэм Форум хамтран сар бүр уламжлал болгон зохион байгуулдаг юм. Уулзалтанд Иргэний нийгмийн байгууллага, эцэг эх, төрийн байгууллагын төлөөлөл, судлаач зэрэг 40 гаруй хүн оролцлоо.

Д.Тунгалаг “Боловсролын салбар дахь ил тод байдал, эгэх хариуцлага” төслийн хүрээнд Архангай, Булган, Хөвсгөл аймгийн 10 сургуульд байгуулагдсан Сургуулийн эцэг эх, багшийн холбооны үйл ажиллагаа, үр дүн, сургамжаас танилцуулав.

Мэдээллийн дараа төсөл хэрэгжүүлэх явцдаа үйл ажиллагааны ололт амжилт, туршлагаа хуваалцаж байгаад ИНБ-ийнхан талархаж буйгаа илэрхийлж, боловсролын салбарт тулгамдаж буй олон асуудлаар санал бодлоо солилцлоо.

Донор байгууллага төслийн хэрэгжилтийн явцыг сайшаав

Дэлхийн банкны төслийн удирдагч Рабиа Али  Архангай, Булган, Баян-Өлгий, Ховд, Хөвсгөл, Увс аймаг, сумын 20 сургуульд хэрэгжүүлж  буй “Боловсролын салбар дахь ил тод байдал, эгэх хариуцлага” төслийн багийнхантай уулзаж төслийн явцтай танилцав.

Дунд боловсролын салбарт чанарын бодит шинэчлэл хийх хэрэгтэй байна

Бид сургуулийг сургалт явуулдаг байгууллагынх нь хувьд хөгжүүлж сайжруулах талаар бага анхаарал хандуулдаг байдлаас болоод багш нар илүү олон нийтийн шүүмжлэлд өртөх байдал ажиглагддаг. Бас нэг мөрдлөг болгох зүйл нь ямар ч үед боловсролын байгууллагын удирдлагууд суралцагчидаа эн тэргүүнд тавьж ёс зүйтэй шийдвэр гаргах ур чадвар эзэмшсэн байх ёстой болж байна.