УИХ-ын гишүүн Л.Мөнхбаатар хамтарч ажиллахаар тохиролцов

2017-10-05

Монгол Улсын Их Хурлын гишүүн Л.Мөнхбаатар Дэлхийн банкны мониторинг үнэлгээний зөвлөх Maria Florencia, Глоб Интернэшнл төвийн менежер Ц.Халиун, Б.Сарантуяа нарыг  2017 оны 10 дугаар сарын 5-ны өдөр Төрийн ордонд  хүлээн авч уулзлаа.

Уулзалтын үеэр Maria Florencia, Ц.Халиун нар 9-р сарын 24-нөөс 30-ныг хүртэлх хугацаанд Хөвсгөл аймгийн төв, Улаан-Уул суманд ажиллаж төслийн үйл явцтай танилцсан болон аймгийн төвийн Гурван-Эрдэнэ сургууль, Цагааннуур, Цагаан-Уул, Улаан-Уул сумын ЕБС-иудад  Сургуулийн эцэг эх багшийн холбоо СЭЭБХ байгуулан ажиллаж  буй талаар танилцуулав. СЭЭБХ байгуулснаар сургуулийн орчин нөхцөл сайжирч, сурагчдын сурлага дээшилж, эцэг эхчүүдээс хүүхдэдээ тавих анхаарал халамж нэмэгдэж байгаа нь төслийн гол үр дүн юм. “Боловсролын салбар дахь ил тод байдал, эгэх хариуцлага” төсөл нь Дэлхийн банк, Нийгмийн эгэх хариуцлагын дэлхийн түншлэлийн  санхүүжилтээр 2014 оноос эхлэн Хөвсгөл аймагт хэрэгжиж байна.

УИХ-ын гишүүн Л.Мөнхбаатар цаашид энэ төслийг тойргийнхоо бусад сумын сургуулиудад  хэрэгжүүлэх талаар төслийн багт санал тавьж, хамтарч ажиллахаар тохиролцлоо.

Нийгмийн эгэх хариуцлага ба сургуульд суурилсан менежментийн асуудал

Нийгмийн эгэх хариуцлагын үндсэн элементүүд болох бүтээлч хамтын оролцоо (шүүмжлэх биш), баримт нотолгоонд тулгуурлах (арга хэрэгслийг ашиглах) хэрэгжилт, хяналтын чиглэлээрх хамтын ажиллагаа (зөрчилдөх биш) олон төрлийн оролцогч талуудын, ялангуяа ашиг шим хүртэгчдийн харилцан түншлэл (эцэг эх, багш, сурагчид, төрийн байгууллага, иргэний нийгмийн байгууллага гэх мэт) “эргэх холбоог бий болгох” итгэл үнэмшил, бодит шаардлага дээр тулгуурласан үйл явцыг нийгмийн эгэх хариуцлага гэдэг байна.

Дэлхийн банкны мониторинг үнэлгээний зөвлөх Хөвсгөл аймагт ажиллалаа

Дэлхийн банкны мониторинг үнэлгээний зөвлөх Maria Florencia 2017 оны 9 дүгээр сарын 24-нөөс 10 дугаар сарын 6-ны өдрүүдэд Монгол улсад ажиллаж Дэлхийн банк, Нийгмийн эгэх хариуцлагын дэлхийн түншлэлийн санхүүжилтээр хэрэгжиж буй “Боловсролын салбар дахь ил тод байдал, эгэх хариуцлага” төслийн явцтай танилцлаа.