Сайн сургууль

Булган аймагт нөлөөллийн уулзалт зохион байгууллаа

2018-05-11

Булган аймгийн Булган, Бугат, Орхон сумын Сургуулийн эцэг эх, багшийн холбоод болон сургуулийн захирлууд 2018 оны дөрөвдүгээр сарын 25-ны өдөр аймгийн удирдлагуудтай уулзлаа.

Уулзалтын эхний хэсэгт Булган аймгийн Засаг дарга З.Батзориг, аймгийн засаг даргын орлогч Ц.Бат-Өлзий, аймгийн Санхүү, төрийн сангийн хэлтсийн дарга О.Наранжаргал, Боловсрол, соёл, урлагийн газар (БСУГ)-ын төсвийн мэргэжилтэн Г.Ихбаяр, мэргэжилтэн Д.Алтаншагай нар оролцлоо.


Уулзалтаар зорилтот сумдын СЭЭБХ-д эцэг эх, багш нарын хамтын ажиллагааг нэмэгдүүлэх, сургуулийн засаглал, сэтгэл зүй, материаллаг орчинд тулгамдсан асуудлыг тодорхойлох, хамтран сайжруулах зорилгоор санаачлан зохион байгуулсан ажлаа аймгийн удирдлагуудад тайлагнаж, мөн цаашид үргэлжлүүлэн хийх ажлаа танилцуулсан юм. Аймгийн удирдлагууд СЭЭБХ-дын санаачлан хэрэгжүүлсэн ажлыг сайшаагаад цаашид холбооны гишүүнчлэлээ тэлж, олон эцэг эхчүүдийг үйл ажиллагаандаа татан оролцуулах хэрэгтэй. Мөн СЭЭБХ-д аймгийн бусад сургуульд туршлагаа хуваалцан, арга зүйгээ хуваалцаасай хэмээн хүсэж байна гэлээ.


Мөн СЭЭБХ-д сургуулийн орчинд тулгамдаж буй асуудлуудаа аймгийн удирдлагуудад танилцуулж, шийдвэрлэх арга замыг хэлэлцсэн юм. Энэ үеэр аймгийн Санхүү, төрийн сангийн хэлтсийн дарга О.Наранжаргал уулзалтыг дүгнэн үг хэлсэн юм. Тэрээр хэлэхдээ: “Дээрх сургуулиудад тулгамдаж буй асуудлууд сумын түвшинд үнэхээр шийдвэрлэх боломжгүй бол аймгийн зүгээс бид зохих арга хэмжээг авч, аль болох шийдэж өгөхийг хичээн ажиллана. Иргэдийн оролцоо, олон нийтийн чадавхыг сайжруулах зорилготой энэ төслийн үйл ажиллагаа манай сумын иргэдэд чухал ач холбогдолтой. Мэдлэгтэй, мэдээлэлтэй иргэдтэйгээ хамтран ажиллахад хэзээд нээлттэй байх болно” гэсэн юм.


Уулзалтын хоёрдугаар хэсэгт Булган аймгийн Иргэдийн төлөөлөгчдийн хурал, Сургуулийн эцэг эх, багшийн холбооны төлөөлөлтэй уулзлаа. Иргэдийн төлөөлөгчдийн хурал орон нутгийн түвшинд иргэдийн оролцоог нэмэгдүүлэх бодлого, үйл ажиллагаа, иргэд, иргэний нийгмийн байгууллагуудтай хэрхэн хамтран ажиллаж байгаагаа танилцуулсан юм. Булган аймагт улсын бүртгэлтэй 120 гаруй төрийн бус байгууллага байдаг. Аймгийн ИТХ 2015 онд иргэний нийгмийн байгууллагуудтай хамтран ажиллах журам хэлэлцэж баталсан. Уг журмын дагуу жил бүр төрийн бус байгууллагуудаас санал авч, хамтарч ажиллах төлөвлөгөө боловсруулан ажилладаг байна.


Булган аймгийн зорилтот сумдын СЭЭБХ-д ИТХ-ын тэргүүлэгчидтэй уулзах үеэр Орхон сумын засаг дарга С.Бат-Эрдэнэ төслийн үйл ажиллагааны талаарх өөрийн санал бодлоо хуваалцсан юм. Тэрээр “Төслийн үйл ажиллагааг аймаг, орон нутгийн удирдлагууд дэмжиж, БСУГ-ын дэргэдэх орон тооны бус зөвлөлийг байгуулахад дэмжлэг үзүүлэн ажиллах хэрэгтэй. Зөвхөн материаллаг орчин төдийгүй сургуулийн сэтгэл зүйн орчинд ч маш том эерэг өөрчлөлт бий болж эхэлснийг би өөрийн биеэр мэдэрсэн. Багш, сурагч, эцэг эхчүүдийн оюун санаанд өөрчлөлт гарч, бүгд хамтран ажиллавал ямар нэг сайн үр дүнд хүрэх юм байна гэсэн эерэг хандлага сургуулийн орчинд бий болж байгаагаараа чухал ач холбогдолтой” гэлээ. 

Төсөл хэрэгжүүлэх нэгж үндэсний түвшинд нөлөөллийн уулзалт зохион байгууллаа

“Боловсролын салбар дахь ил тод байдал, эгэх хариуцлага” төслийн нөлөөллийн үйл ажиллагааны хүрээнд 6 дугаар сарын 14-ний өдөр төслийн байнгын зөвлөлийн гишүүдтэй уулзлаа. 

Видео бүтээл хийх мэргэжлийн студи сонгон шалгаруулалт

Глоб Интернэшнл төв ТББ, Дэлхийн банк, Нийгмийн эгэх хариуцлагын дэлхийн түншлэл /GPSA/-ийн санхүүжилтээр “Боловсролын салбар дахь ил тод байдал, эгэх хариуцлага” төслийг 2014-2018 онд Архангай, Булган, Хөвсгөл, Увс, Баян-Өлгий, Ховд, Өвөрхангай, Сүхбаатар аймагт хэрэгжүүлж байна. Энэхүү төслийн зориолго нь боловсролын төсөв, худалдан авах ажиллагааны ил тод үйл явцыг сайжруулахад ИРГЭДИЙН ОРОЛЦООГ НЭМЭГДҮҮЛЭХ замаар зорилтот аймаг, сумдад боловсролын илүү сайн, чанартай үйлчилгээг хүргэхэд хувь нэмэр оруулах юм.