“Хэн ч чөлөөтэй ашиглаж, үндсэн зорилгоос өөрөөр хэрэглэж, цааш нь түгээж болдог, сэдэвчилсэн, ихэвчлэн зохиогчийн нэрийг заавал дурдах, ижил нөхцөлөөр түгээх лицензтэй өгөгдөл”-ийг нээлттэй мэдээлэл гэнэ.

Төрийн удирдлагын ил тод, нээлттэй, шуурхай, шударга, хариуцлагатай, ёс зүйтэй, ажил хэрэгч байдлыг хангаж, төр, иргэний харилцан итгэлцлийг бэхжүүлэхэд төрийн байгууллагын мэдээллийн нээлттэй, ил тод байдал чухал үүрэгтэй.

2011 онд батлагдсан “Мэдээллийн ил тод байдал ба мэдээлэл авах эрхийн тухай” хуулиар төрийн байгууллагуудад мэдээллээ нээлттэй байлгах үүрэг ногдуулж, Иргэн, хуулийн этгээдийн төрийн байгууллагаас мэдээлэл авах эрхийг баталгаажуулсан.